Shpërthimi në portin e Bejrutit, i cili vrau të paktën 160 njerëz, plagosi mijëra dhe la qindra mijëra të pastrehë, ka lënë gjurmë të forta. Ngjarja tragjike ndodhi pasditen e 4 gushtit, në Bejrut.
Shpërthimi i shkaktuar nga një sasi tonelatash nitrati amoniumi, e konfiskuar dhe e vendosur në një depo pranë një porti detar, la të pastrehë më shumë se 300.000 persona.
Fotot e të lënduarve po qarkullojnë në rrjetet sociale. Ata shihen me fasha në fytyrë, me nxirje dhe të çara të konsiderueshme.
Kimikatet që shpërthyen në portin e Bejrutit, kanë një histori 6 vjeçare të qëndrimit të tyre në zonën e Libanit. 2 mijë e 750 ton nitrat amoniumi, kishin destinacion Mozambikun, po për shkak të keqmenaxhimit të anijes përfunduan në brigjet e Libanit.
