Një toreador 27-vjeçar, i cili është i dashuri i Victoria Federicas, mbesës së Mbretit të Spanjës, ka pësuar një dëmtim serioz, pasi demi e ka hedhur në ajër. Pamjet janë me të vërtetë të frikshme, ku tregojnë guximin e të riut të quajtur Gonzalo Caballero.
Ai ka marrë plagë të rënda në kofshë dhe në ije, ndërsa ndodhej në një event ku shënohej Dita Hispanike në Madrid.
Sipas raportimeve, demi jo vetëm që e ka lënduar rëndë Caballero-n, por gjithashtu i ka çarë një venë jetësore, duke bërë që 27-vjeçari të jetë në gjendje serioze.
Stafi mjekësor ndërhyri menjëherë, duke frenuar gjakderdhjen.
Pas incidentit, 27-vjeçari iu nënshtrua një operacioni që zgjati për më shumë se dy orë, dhe më pas u transferua në spitalin San Francisco de Asis, në Madrid. Gonzalo Caballero aktualisht është në gjendje të rëndë.
