Si rrallë ndonjëherë, në emisionin me “Me zemër të hapur” në “News24”, të ftuarit kanë kaluar çdo normë, duke bërë publike dhe video aspak të hijshme.
Në përballjen mes ish-vjehrrës Natasha me ish-nusen e djalit të saj, Eglantina, kanë vijuar sharjet. Gruaja nga Saranda pretendon se nipi i saj, i cili tashmë është nën kujdestarinë e nënës së tij, dhunohet nga babai i Eglantinës. Natasha ka akuzuar ish-nusen e saj se dokumenti i paraqitur për vlerësimin e fëmijës nga psikologu, është i falsifikuar.
Vjehrra u ngrit nga karrigia dhe shpërtheu në revoltë të hapur, duke u mbrojtur me anë të disa dokumentave. Kjo situatë e nxehtë detyroi drejtuesen e emisionit që të ndërpriste emisionin, pasi gjyshja dhe babai nisën të nxjerrin video të fëmijës nga telefoni i tyre.
