Përfaqësuesi i posaçëm i sekretarit amerikan të Shtetit, Methew Palmer takoi ditën e sotme ministrin e Jashtëm, Nikolla Dimitrov. Ndërsa theksoi se SHBA është partnere e fuqishme në rrugëtimin e Maqedonisë së Veriut drejt BE-së.
“Është kohë e shkëlqyer për vizitë, posaçërisht pas vizitës së sekretarit (amerikan të Shtetit, Mike) Pompeo. Dua të përcjell mesazhin tim se Shtetet e Bashkuara mbeten partner i fortë i Maqedonisë së Veriut dhe mbështesin rrugëtimin e saj drejtë BE-së.
Ky është rajon që i përket Evropës dhe BE-ja nuk mund të jetë e suksesshme dhe e qetë nëse rajoni mbetet i vonuar”, deklaroi Palmer.
Nga ana tjetër, Dimitrov deklaroi se pas mosmarrjes së datës për nisjen e bisedimeve me BE-në, do të vazhdojnë punën me zbatimin e reformave.
