Hasan al-Attar qëndroi i qetë brenda morgut, duke parë trupat e vajzës së tij, Lamya dhe tre fëmijëve të tjerë që i përkisnin të njëjtës familje. Veshur me jelekun e zjarrfikësit, ai u përkul të puthte vajzën e tij, para se të mbyllej dera e njësisë së ftohjes. “Lutuni për të,” tha një koleg, duke shtrënguar dorën në supin e Hasanit.
Lamya dhe fëmijët – vëllezërit e motrat Amir dhe Islam al-Attar – dhe Mohammed al-Attar u vranë gjatë natës të premten në Beit Lahia, pasi një sulm ajror izraelit bombardoi shtëpinë në të cilën po qëndronin, shkruan Al Jazeera.
Qyteti verior në Rripin e Gazës, së bashku me Beit Hanoun dhe Jabalya, ishte një nga zonat që dëshmuan një bombardim ajror pothuajse të pamëshirshëm së bashku me bombardimet e artilerisë së rëndë. Shuja’iah, e vendosur në lindje të qytetit të Gaza, u godit gjithashtu.
Një zëdhënës i ushtrisë izraelite tha të premten e 14 majit swe sulmi para përfshinte 160 aeroplanë luftarakë që u ngritën nga gjashtë baza ajrore dhe përdorën rreth 450 raketa dhe predha për të sulmuar 150 objektiva brenda 40 minutash.
Sipas ministrisë së Shëndetësisë në Gaza, 119 palestinezë janë vrarë deri më tani, përfshirë 31 fëmijë dhe 19 gra. Të paktën 830 të tjerë janë plagosur.
Zyrtarët shëndetësorë izraelitë thonë se 1,050 raketa janë shkrepur nga Rripi i Gazës deri më tani. Tetë izraelitë dhe një shtetas indian janë vrarë, dhe më shumë se 130 të plagosur.
Kryeministri izraelit, Benjamin Netanyahu u zotua se ofensiva do të vazhdojë sipas nevojës për të rivendosur qetësinë në shtetin e Izraelit.
