Negociatat mes Shqipërisë dhe Greqisë pritet të “dalin” përtej diskutimeve politike, pasi tashmë është hapur drita jeshile për punën në terren. Punë kjo, e cila do të përfundojë me matje konkrete dhe nivel ekspertësh nga të dyja palët.
Ministri i Jashtëm grek, Nikos Kotzias, do të zhvillojë nesër një vizitë të shkurtër në Tiranë. Burime për Ora News bëjnë me dije se kryediplomati grek do të takohet me Ministrin Bushati rreth mesditës në Ministrinë e Jashtme.
Në fokus të takimit të tyre mendohet të jenë bisedimet në lidhje me ecurinë e negociatave pas marrjes së autorizimit për plotfuqishmërinë. Vonesa me dhënien e autorizimit nga Meta shtyu dhe vizitën e kryeministrit grek, Alexis Tsipras në Tiranë, e cila ishte parashikuar brenda prillit.
Pas vizitës në Tiranë, Kotzias do të fluturojë drejt Vienës, ku të premten do të takohet me homologun maqedonas Nikolla Dimitrov dhe negociatorin e OKB-së për çështjen e emrit, Matzheë Nimetz.
