Diskutimet me Greqisë dhe Shqipërisë kanë ngjallur debate të forta, dhe nuk kanë munduar edhe akuzat e ndërsjella mes politikanëve dhe shoqërisë civile. Por për disa të tjerë, 12 miljet me Greqinë janë një problem kot dhe nuk mund të aplikohet.
Alfred Moisiu, ish-presidenti i Republikës ka komentuar negociatat që po zhvillohen me Greqinë. Moisiu tha se problemi i 12 miljeve është një problem kot, pasi nuk aplikohet.
Ish-Presidenti komentoi edhe çështjen çame, ndërsa tha se mes Shqipërisë dhe Greqisë do të arrihet një marrëveshje, por me rëndësi është që kjo marrëveshje mos cenojë as grekët dhe as ne.
Pjesë nga intervista
Alfred Moisiu: E dini ju sa është ngushti e Korfuzit?! Nga 3 km deri në 25 km, që i bie 1.6 milje detare deri në 14 milje. Pra problemi i 12 miljeve është një problem kot sepse nuk mund të aplikohet.
Ilva Tare: Po si do të aplikohet në Korfuz psh?
Alfred Moisiu: Këtu pastaj është mesatarja, por këtu është e gjithë hileja, që nuk mund të merren të gjithë shkëmbinjtë e detit, por duhet të merren sipas ligjeve. Bota ka bërë ligje për këtë punë, por këto ama duhen kohë. Psh zgjidhje e këtyre problemeve me Italinë në atëkohë ka vazhduar 7-8 vjet. Sigurisht atëherë ishin dy sisteme të ndryshme, komuniste dhe kapitaliste, por tani duhet të zgjidhen me shpejt sepse kemi të njëjtin vizion për. Këtu është puna që për zgjidhjen e këtij problemi është plotësisht e mundshme. Unë kam një vërejtje për gjithë drejtuesit politik shqiptarë, por në mënyrë të vecantë për ministrat kryesorë. Mirë është që ata të kenë një këshill të urtësh, njerëz që e njohin problemin dhe ata duhen dëgjuar, duhen mirëkuptuar dhe sigurisht vendimin ta marrë ai që e takon.
Ilva Tare: Po çështja çame mendoni se do të marrë ndonjëherë zgjidhje?
Alfred Moisiu: Unë dëgjova një deklaratë të Presidentit Pavlopuls, jam befasuar. Unë nuk e kuptoj që një presidenti i një vendi anëtar të BE dhe NATO-s të bëjë deklarata të tilla. Unë përdor një shprehje që e kam përdorur për herë të parë në 2003 në Samitin e Selanikut “Shokun dhe mikun mund ta zgjedhësh, por fqinjin ta jep zoti”. Kjo do të thotë që të gjesh mënyrën si të bashkëjetosh me të. Kështu nuk bashkejtohet! Nuk mund të injorosh shqiptarët, që janë një popull i vjetër në Ballkan.
Ilva Tare: Një marrëveshje me Greqinë do ta përfundojmë?
Alfred Moisiu: Do ta përfundojmë, jemi të detyruar ta përfundojmë, por e rëndësishme është që marrëveshja të përfundohet në mënyrë që asnjë nga palët mos cenohet, as grekët as ne.
