AP
Një tren i shpejtë u përplas me një tjetër që kishte dalë nga shinat në Pakistan përpara agimit të së hënës, duke vrarë të paktën 40 njerëz, siç raportojnë autoritetet vendase. Më shumë se 100 persona u plagosën dhe ekipet e shpëtimit dhe fshatarët punuan gjatë ditës për të nxjerrë të mbijetuarit dhe të vdekurit nga hekurat e deformuar.
Thirrjet për ndihmë prishën qetësinë e natës teksa pasagjerët dolën nga vagonët e përmbysur ose të shtypur dhe njerëzit lokalë shpejtuan për në vendin e ngjarjes në rrethin Ghotki të provincës jugore të Sindh-it.
Më vonë gjatë ditës, makineri të rënda mbërritën për të hapur disa vagonë, me shpresën për të shpëtuar disa njerëz që ende besohej se ishin bllokuar. Ushtria vendosi në dispozicion trupa dhe helikopterë për të ndihmuar./Tirana Today
