Prokuroria për Krime të Rënda ka kërkuar burgim të përjetshëm për ekzekutorin e Suela Sulës, Fatjon Karmeshtna.
Ky i fundit vrau më 18 prill 2016, gruan e Sadetin Sulës, Suelën. Edhe Sadetini është dënuar nga Shkalla e Parë, teksa ka paguar Karmeshtnën për t’i vrarë të shoqen.
Nëna e tre fëmijëve, Suela Sula nënë e tre fëmijëve, u gjet e mbytur në banjon e mobilerisë në pronësi të së shoqit.
Fillimisht u dyshua se ajo ishte mbytur nga vetë i shoqi, Sadetin Sula, por analiza e ADN-së zbuloi se ekzekutori material i krimit është Fatjon Karmeshta, punëtor në mobilieri por dhe njeriu me të cilin Sadetini kishte raporte të ngushta.
Në seancën e sotme, prokuroria lexoi dëshmitë, provat materiale dhe shkencore, që sipas të cilës, ekzekutori është Fajton Karmeshtna dhe qëllimi i krimit është përfitimi material, pasi ka marrë shuma monetare të caktuara.
Një vit pas krimit, më 7 prill 2017, i pandehuri Sadetin Sula u akuzua për kryerjen e krimit të vrasjes me dashje, për shkak të marrëdhënieve familjare, për motive xhelozie, në dëm të bashkëshortes së tij viktimës Suela Sula, parashikuar nga neni 79/c i KP.
