Një nga personat e arrestuar nga policia e Durrësit, në operacionin “Porositësit” është edhe një polic i Burgjeve. Bëhet fjalë për policin Flamur Bejko, i cili sipas bluve, ka porositur dy vëllezërit Gentian dhe Indrit Beqiraj të kryenin një vrasje të dyfishtë, e cila nuk është finalizuar.
Bejko ka paguar edhe 3500 euro për dy vëllezërit, për të kryer vrasjen e shtetasve me inicialet S.Z., dhe I.H. Ai ka urdhëruar ekzekutimin e dy personave pasi e kishin rrahur.
Punonjësi i policisë së Burgjeve, Flamur Bejko, ka paguar 3500 euro paradhënie vëllezërit Beqiraj për të vrarë dy personat që ai kishte konflikt.
“Gjithashtu, dy vëllezërit janë kontaktuar dhe porositur edhe nga shtetasi F. B., që kundrejt pagesës të kryenin vrasjen e shtetasve S. Z. dhe I. H.
Për këtë veprimtari kriminale, vëllezërit kanë marrë një shumë paraprake prej 3500 eurosh, dhe kanë siguruar mjetet për realizimin e kësaj ngarjeje dhe konkretisht 4 kg eksploziv, si dhe një armë zjarri automatik, të cilat janë gjetur dhe sekuestruar gjatë kontrolleve të ushtruara nga shërbimet e Policisë, gjatë datës 3 tetor 2022”, thuhet në njoftimin e policisë.
