Ditën e djeshme u përhap lajmi i denoncimit të Massimiliano Allegrit ndaj ish-bashkëshortes së tij për përvetësim. Sipas trajnerit të Juventusit, ish-bashkëshortja do t’i kishte përdorur dhjetë mijë eurot në muaj të destinuara për djalin e saj, jo vetëm për mirëmbajtjen e tij, por edhe për shpenzime të tjera.
Për këtë ka ndërhyrë edhe Caterina Collovati, ish bashkëshortja e ish-futbollistit e njëkohësisht gazetare: “Karriera e zotit Allegri mund të përkufizohet shumë më edukuese sesa jeta e tij e dashurisë… E cila jo vetëm që duket e shqetësuar, dhe sigurisht këto janë vetëm punët e tij. Duke nisur nga lamtumira e papritur e Ambrës në vjeshtën e kaluar, tashmë është radha e një mosmarrëveshjeje me gjykatën për të menaxhuar një akuzë të saktë nga trajneri shumë i dekoruar ndaj ish-gruas. Ajo hedh poshtë të gjitha akuzat, avokatët e saj flasin për akuza instrumentale me qëllimin e vetëm për uljen e kontributit mujor të paguar nga trajneri për nënën e fëmijës. Zonja merr një çek prej 10 mijë eurosh në muaj. Duke jetuar në të njëjtën shtëpi me një vajzë tjetër nga një lidhje e mëparshme, duket qartë se disa euro të zotit Allegri i ka gëzuar edhe motra e vogëlushit.
Do të ishte e tmerrshme nëse një nënë do të linte një fëmijë të jetonte në mirëqenie dhe tjetri jo. Nëse njërit i ofronte bukë e qepë, tjetrit mish e peshk.
Pyes veten për një zotëri që merr një kontratë 9 milionë euro në vit neto, le të themi 750 mijë euro në muaj… cili është problemi?
Deri në çfarë niveli mjerimi çon antipatia ndaj një ish-i? Le ta pranojmë sinqerisht ‘ka trajnerë të mëdhenj të Serisë A, por ka burra të Serisë C”.
Burimi i lajmit: SportFair. Përshtatur nga Tirana Today
