Votimi i javës së kaluar në Kuvend nga ana e mazhorancës kundër dekretit të Presidentit të Shqipërisë, Ilir Meta, ka bërë që opozita të depozitojë në Prokurorinë e Përgjithshme, Prokurorinë e Krimeve të Rënda dhe në atë të Tiranës, padi penale për të gjithë deputetët socialistë.
Ligji i kthyer nga Presidenti Meta, sipas opozitës, favorizon të pasurit dhe qeveria nuk duhej t’a kishte votuar. Dokumenti i depozituar në institucionet e sipërpërmendura, mban firmën e dy krerëve të grupeve parlamentare të opozitës, Petrit Vasilit dhe Edmond Spahos.
