Kreu i Aleancës Kosova e Re, Behgjet Pacolli, ka folur pas marrëveshjes mes PAN-it dhe AKR-së.
Pacolli tha se kjo marrëveshje u bë e mundur falë ndërhyrjes së ndërkombëtarëve.
“Kemi qenë në bashkëpunim me miqtë ndërkombëtarë. Është një punë shumë e madhe e bërë me miqtë tanë ndërkombëtarë, jashtë Kosovës. Nuk mund t’ju them se kush janë ata, por janë miq të mëdhenj të Kosovës. Në orën 15:00 më kanë ardhur dokumentet dhe garancionet që unë mund të ec përpara. Nuk kam vepruar asgjë pa dritën e gjelbër ndërkombëtare”, ka thënë Pacolli në një intervistë në Klan Kosova, ndërsa e ka cilësuar si humbje kohe pjesëmarrjen e tij në koalicionin LAA.
