Pacolli hedh “bombën”: De Biasi i gatshëm ti bashkohet Kosovës

Ministri i Jashtëm i Kosovës, Behgjet Pacolli, ka lëshuar bombën e ditës me anë të një fotoje të publikuar në ‘Facebook’. Ai shihet në foto me ish-trajnerin e Shqipërisë, Gianni De Biasi dhe bashkangjitur me foton shkruan se italiani dukej i interesuar për të drejtuar e cila momentalisht është ende pa trajner.

Pacolli shprehet se De Biazi iu duk i interesuar për të drejtuar Kosovën, dhe se mund ta bisedonte me presidentin e federatës së futbollit, Fadil Vokrrin, për të parë nëse mund të ndodhë diçka. Ja dhe postimi i Pacollit: “Me mikun tim Gianin, heroin e gjithë shqiptarëve. De Biassi mu duk goxha i interesuar për ta drejtuar edhe Kosovën. Do të bisedoj me Vokrrin, ndoshta mund të bëhet diçka e bukur.”