Qeveria e Kosovës dhe ajo e Maqedonisë kanë mbajtur dje një mbledhje të përbashkët.
Pas takimit, dy zëvendës kryeministrit kanë dalë në një konferencë të përbashkët për shtyp.
Zv/kryeministri i Maqedonisë Bujar Osmani pas takimit me homologun e tij kosovar, Enver Hoxhaj, tha se Kosova është vend mik dhe partner i rëndësishëm ekonomik për Maqedoninë.
Nga ana tjetër, zv/kryeministri i Kosovës Hoxhaj tha se Kosova dhe Maqedonia do të vazhdojnë të thellojnë bashkëpunimin edhe në të ardhmen dhe se Maqedonia mbetet partner i fuqishëm i Kosovës.
Gjithashtu, Hoxhaj shtoi se planifikohet formimi i një komisioni të përbashkët në lidhje me çështjet ekonomike dhe tregtare për anëtarësimin e Kosovës në organizata të ndryshme rajonale.
