Operatori i Shpërndarjes së Energjisë Elektrike (OSHEE) ka publikuar sot aktivitetin 7-mujor 2017 të kompanisë, ku ka ecuri pozitive në rritjen e argtimeve, duke e çuar në 4.2% me shume krahasuar me një vit më parë.
Në një njoftim për mediat OSHEE bën të ditur se “Në tëresi, Operatori i Shpërndarjes së Energjisë Elektrike (OSHEE) përforcon vazhdimësinë e ecurisë pozitive në drejtim të rritjes së arkëtimeve dhe reduktimit të nivelit të humbjeve, pavaresisht treguesve negative te muajit qershor”.
Ndërsa për periudhën janar-korrik 2017, OSHEE ka rritur me 4.2% arkëtimet nga faturat e energjisë krahasuar me të njëjtën periudhë të një viti më parë, duke mbledhur 37.1 miliardë lekë.
Rritja e nivelit të arkëtimit vjen si rezultat i ndërgjegjësimit të konsumatorëve për të shlyer detyrimet brenda afateve kontraktuale.
Norma e arkëtimit ndaj faturës pararendëse është rritur me 3.6% duke arritur në 98.8%. Theksojmë se 4 vjet më parë ishte rreth 73%! “, thuhet në njoftimin për mediat nga OSHEE.
