Moti i keq me shira të shumta dhe erëra të forta që përfshiu vendin gjatë natës dhe orëve në vazhdim, ka shkaktuar shkëputje të energjisë elektrike.
Njoftimi vjen nga OSHEE, e cila sqaron se bëhet fjalë për këputje përcjellësash, thyerje izolatorësh në linja dhe dëmtime shkarkuesish.
Si pasojë, kanë mbetur pa energji elektrike disa zona kryesisht rurale.
Gjithashtu, një pjesë e fiderave janë stakuar si masë sigurie nga operatorët e N/Stacioneve në rast për t’i paraprirë ndonjë defekti të mundshëm.
Punonjësit e terrenit të OSHEE-së po punojnë për kthimin e gjendjes në normalitet.
