Instituti Kulturor Rumun, nëpërmjet Departamentit të Komuniteteve Historike pranë Drejtorisë së Përgjithshme “Përfaqësime jashtë vendit dhe në komunitete historike”, organizon në Tiranë (Shqipëri), më 21 shtator 2022, në amfiteatrin e Katedrales Ortodokse, veprimtarinë kulturore “Lidhje kulturore Rumani-Shqipëri: Ciprian Porumbescu dhe Voskopoja”, e cila do të përfshijë:
-mbajtjen e një recitali me kompozime nga Ciprian Porumbescu, George Enescu, Thoma Gaqi nga kuarteti i Dhomës Mbretërore [i përbërë nga Radu-Teodor Chișu, Irina Nanushi, Iulia Goiană dhe Mircea-Alexandru Marian, shoqëruar në piano nga Verona Maier dhe me zë nga Ornela Liçi] dhe gjashtë këngë arumune të kompozitorit Ion Dumitrescu;
-një leksion për Ciprian Porumbescu mbajtur nga prof. dr. Stanca Scholz-Cionca, pasardhës i familjes Porumbescu;
-mbajtjen e një leksioni për Voskopojën dhe lidhjet kulturore midis Rumanisë dhe Shqipërisë nga dr. Ardian Muhaj; ekspozitën fotografike “Voskopoja – trashëgimi kulturore e rumunëve ballkanikë”, realizuar në vitin 2020 nga Dr. Emil Țîrcomnicu dhe Dr. Cătălin Alexa.
Veprimtaria i kushtohet si kompozitorit rumun Ciprian Porumbescu, ashtu edhe qytetit të arumunëve, Voskopojës, qendrës më të rëndësishme kulturore dhe tregtare të arumunëve në Gadishullin Ballkanik në shekullin XVIII.
