Shumë pak orë na ndajnë nga starti i finales së madhe të Champions League e cila do të zhvillohet në Kiev mes Liverpool dhe Real Madrid. Skuadrat janë stërvitur ditën e sotme në stadiumin e Kievit dhe ka pasur disa momente mjaft interesante.
Te Reali protagonist është bërë Ronaldo, i cili në tentativë për të realizuar gol goditi me top në kokë një kameraman. Nga fotot e postuara më vonë nga mediat ndërkombëtare duket kameramani i çarë në vetull.
Portugezi menjëherë i ka kërkuar falje atij dhe më pas i ka dhuaruar edhe një bluzë nëpërmjet një pjesëtari të stafit.
Ndërkohë, te Liverpool ka patur spektakël në stërvitje. Protagonist ka qenë britaniku James Milner, i cili ka realizuar një gol fantastik. Reagimi i shokëve të skuadrës e ka bërë akoma edhe më brilant golit e Milnerit. Atmosferë tepër pozitive duket në kampin e anglezëve.
