Presidenti i Amerikës Donald Trump do ta njohë Jerusalemin si kryeqytetin e Izraelit, thanë zyrtarët e lartë të administratës.
Ai do të shpallë vendimin e debatueshëm në një fjalim që pritet të mbahet në orët në vijim.
Trump pritet po ashtu të miratojë lëvizjen e ambasadës amerikane nga Tel Avivi në Jerusalem, por jo për shumë vjet.
Izreali do të mirëpresë ndryshimet, por udhëheqësit palestinezë dhe liderët arabë kanë paralajmëruar se kjo do të rrezikonte paqen në Lindjen e Mesme.
Arabia Saudite, aleate e SHBA, i quajti ndryshimet “një provokim flagrant ndaj myslimanëve”.
Izraeli e ka cilësuar gjithmonë Jerusalemin si kryeqytetin e saj, ndërsa palestinezët pretendojnë Jerusalemin Lindor si kryeqytetin e një shteti të ardhshëm palestinez.
Duke e njohur Jerusalemin si kryeqytetin e Izraelit, SHBA-ja bëhet vendi i parë që e bën këtë që nga themelimi i shtetit në vitin 1948.
Zyrtarët e administratës së Trump thanë se njohja e Jerusalemit si kryeqyteti i Izraelit shihet si “një njohje e realitetit” nga qeveria amerikane.
Presidenti Trump premtoi gjatë fushatës presidenciale se do të njihte Jerusalemin si kryeqytet të Izraelit sapo ai të fitonte.
Tashmë, ky premtim duket se do kthehet në një nga premtimet e mbajtura, ndërsa ky vendim është kritikuar nga shumë shtete, mes tyre edhe Jordania.
Ministri i Jashtëm i Jordanisë ka paralajmëruar SHBA-në se do të ketë pasoja të rrezikshme nëse e njeh Jeruzalemin si kryeqytetin e Izraelit.
Ayman Safadi deklaroi se i kishte thënë sekretarit amerikan të Shtetit, Rex Tillerson se një deklaratë e tillë do të shkaktonte zemërim të madh në botën arabe dhe muslimane.
Izraeli e ka pushtuar Jerusalemin Lindor që nga lufta e vitit 1967 në Lindjen e Mesme. Ai aneksoi zonën në vitin 1980 dhe e sheh atë si domenin e saj ekskluzive.
Izraeli është i vendosur që Jerusalemi të jetë kryeqyteti i tij i përjetshëm dhe i pandashëm. Por palestinezët duan që Jerusalemi Lindor të jetë kryeqyteti i një shteti të ardhshëm.
Administratat e njëpasnjëshme të SHBA që nga viti 1948 kanë pohuar se statusi i Jerusalemit duhet të vendoset nga negociatat dhe se ata nuk do të angazhohen në veprime që mund të perceptohen si paragjykime në rezultatin e këtyre negociatave.
