Deputetët demokratë kanë bllokuar foltoren e Kuvendit, ndërkohë që fjalën e ka ministrja e Financave, Anila Denaj. Partia Demokratike kërkon ndërprerjen e seancës plenare deri në mbërritjen e kryeministrit Rama, për të dhënë shpjegime për akuzat e bëra nga “Zëri i Amerikës”, për vjedhje të votave.
Opozita e konsideron të jashtëzakonshme atë që është publikuar mbrëmë në “Zërin e Amerikës”, lidhur me investigimin për blerjen e manipulimin e votave, dhe kërkon praninë e Ramës në Kuvend për të dhënë llogari.
Sakaq, Ruçi insiston që seanca të vijojë. Ministrja e re e Financave po vazhdon të mbajë raportin e saj, edhe pse opozita është në këmbë rreth foltores.
