Pas mbledhjes së Grupit të PD, kreu demokrat Lulzim Basha, nuk ka bërë të ditur nëse opozita do të marrë pjesë në seancat plenare që priten të zhvillohen gjatë kësaj jave. Ai tha në një prononcim për mediat se do të flasë, kur të merret një vendim.
“Do e u bëjmë të ditur kur të merret një vendim”, u shpreh Basha.
Ai shënjestroi edhe televizionet, për të cilat pretendon se janë të paguara nga kryeministri Rama. Po kështu, Basha shtoi se PD është në mbështetje të studentëve. Sipas tij, ka ardhur koha për një bashkim, pavarësisht bindjeve politike.
“Mashtrime te televizioneve të blera nga Rama, mundohen ta paraqesin protestën e studentëve si apolitike. Kjo është një protestë kundër kurrupsionit të arsimit të lartë.
Mediat e blera nuk tregojë të vërtetën, sepse Rama u jep lek.
Sa më keq është Edi Rama, aq më shumë tendera fitojnë pronarët e mediave.
Studentët janë në protesë, e ne i mbështesim ata. Ju duhet të bëni detyrën tuaj si gazetarë.
Duhet të zgjohemi, ky është momenti. Duhet të jemi gjithë bashkë pavarësisht bindjeve politike”, u shpreh Basha.
