Policia e Përmetit ka sekuestruar në një tunel rreth 768 kilogramë lëndë narkotike e dyshuar e llojit Cannabis Sattiva, ndërsa ka shoqëruar tw rinjtë G.H. dhe D.N..
“Në bazë të informacioneve të marra në rrugë policore nga Seksioni i Hetimit të Narkotikëve në D.V.P Gjirokastër se në një tunel në fshatin Piskovë, Përmet kishte lëndë narkotike, menjëherë është organizuar e vijon operacioni “Piskova””- thuhet në njoftimin e policisë.
Si rezultat i operacionit nga kontrolli i ushtruar në tunel, shërbimet e policisë kanë gjetur 102 pako dhe thasë të përmasave të ndryshme, brenda të cilave kishte lëndë të dyshuar narkotike Cannabis Sativa.
Specialistët për Hetimin e Narkotikëve në bashkëpunim e Prokurorinë po vijojnë hetimet për dokumentimin dhe vënien përpara përgjegjësisë ligjore të personave të implikuar në këtë veprimtari kriminale.
