Mos lëshimi i kuponit tatimor, ka ndëshkuar disa restorante të njohura në Durrës dhe Dhërmi. Lajmin e ka pëcjellë Drejtoria e Përgjithshme e Tatimeve, ku citohet se ndaj këtyre subjekteve është marrë masa e bllokimit 30 ditë kalendarike, pasi është konstatuar për herë të dytë se nuk kanë dhënë kuponin tatimor për shërbimin e ofruar.
“Sipërmarrjet që ushtrojnë aktivitetin në sektorin e turizmit, të respektojnë detyrimet ligjore në funksion të përmbushjes së përgjegjësive tatimore, deklarimit të punonjësve dhe lëshimin e kuponit tatimor”, thuhet më tej.
https://tiranatoday.com/fotodhermiu-te-thyen-ne-mes-me-cmimet-e-larta-ja-sa-kushton-nje-omlete/
Një prej aktiviteteve të bllokuara mësohet se është edhe lokali ku një omletë shitej për 800 lekë të reja. Pushuesit, sivjet janë ‘tronditur’ nga çmimet e ‘kripura’ e të papërballueshme.
https://tiranatoday.com/fotot-shqiperi-hesapi-8-mije-leke-nje-omelete-ne-dhermi/
Në të shumtën e rasteve, ata kanë ndarë me miqtë e tyre, përmes profilit zyrtar në Facebook, fatura të papërballueshme për buxhetin e një pushuesi. Tregtarët kanë vendosur çmime stratosferike, duke bërë që pushuesit ta mendojnë dy herë nëse do të vijnë vitin tjetër në të njëjtin vend.
