I ftuar në emisionin “Rudina”, drejtori i programacionit në “Tv Klan”, ka zbuluar se atij i kanë propozuar një rol si aktor në serialet turke. Me gjithë rolin e përfaqësuesit të “Tv Klan”, si drejtor i programacionit, Dumani ka qenë i pranishëm në shumë shesh-xhirime, duke krijuar kështu shumë kontakte me producentë të njohur turq, të cilët paskan projekte edhe për Bertin.
Berti tha se atij i janë ofruar disa herë role në serialet turke, por i vetmi problem serioz që e ka bërë t’i refuzojë ofertat, ka qenë gjuha.
“Unë vetëm se nuk di gjuhën, se më kanë thënë ‘Hajde, do bësh ndonjë rol’, por s’dua të dal pa folur. Dua të dal mirë, me një rol të mirë.
Kam takuar disa producentë. Në rol episodik edhe mund të futem. Por do thonë pastaj shqiptarët; ‘Pse kaq bëri ky? Vetëm doli dhe nuk tha asgjë”, përfundoi Berti.
