Në bazë të dhënave të Këshillit Evropian, Shqipëria klasifikohet si ekonomi që bënë pjesë në listën gri, por nuk përjashtohet mundësia që ajo të përfundojë në listën e zezë, pasi kufiri ndarës është shumë afër. Kjo vjen pasi kompanitë dhe individët, shmangen prej taksave dhe krijojnë atë që tashmë në ekonomitë e padeklaruara, quhen si “Parajsa Fiskale”.
Bashkimi Evropian humbet 1 trilion euro në vit nga të ardhurat tatimore si dhe nga ekzistenca e llogarive “Of Shore” dhe nga persona të cilët i shmangen tatimeve dhe funksionojnë si një ekonomi e padeklaruar.
Ditën e sotme , Këshilli Europian miratoi propozimin për të krijuar një listë të zezë shtetesh që përshkruhen si “strehëza tatimore” apo si ekonomi informale që nuk deklarojnë veprimtaritë e tyre ekonomike, kjo një strategji për t’ju shmangur taksave dhe tatimeve.
Kjo listë përbëhet nga 17 shtetesh të cilat janë klasifikuar në listën e zezë, pasi nuk kanë bërë asnjë veprim për të ndaluar veprime të tilla : Samoa Amerikane, Bahreini, Barbados, Grenada, Guam, Koreja, Macau, Marshall Islands, Mongolia, Namibia, Palau, Panama, Shën Lucia, Samoa, Trinidad dhe Tobago, Tunizi, Emiratet e Bashkuara Arabe.
Në të njëjtën kohë, Këshilli i BE-së gjithashtu ka lëshuar një listë gri, me vende që ka gjasa të bashkohen me listën e zezë, ku dhe vendi ynë bën pjesë në këtë pjesë.
Lista e gri përfshinë vendet e mëposhtme:
Shqipëria, Andorra, Armenia, Aruba, Belize, Bermuda, Bosnja dhe Hercegovina, Botsvana, Coëne Verde, Ishujt Kajman, Ishujt Cook, Curacao, Ishujt Faroe, Fixhi, FYROM, Grenlandë, Guernsey, Hong Kong , Ishulli i Njeriut, Xhamaika, Jersey Jordan, Ishulli Labuan, Lihtenshtajni, Malajzia, Madridi, Mauritiusi, Mali i Zi, Maroku, Nauru, Kaledonia e Re, Niue, Omani, Peruja, Katari, Shën Vinsenti dhe Grenadinet, San Marino, Serbia, Seychelles , Swaziland, Zvicër, Tajvan, Tajlandë, Turqi, Uruguaj, Vanuatu, Vietnam.
Komisioneri i çështjeve ekonomike, Pierre Mosquibis, me anë të një deklarate u ka bërë thirrje vendeve të përfshira në këtë proces të “mbrapsht”, që të tërhiqen sa më parë të jetë e mundur, pasi sipas tij, kjo veprimtari është e rrezikshme për ekonominë e një vendi. TIRANA TODAY
