Organizata Botërore e Shëndetësisë (OBSH), miratoi për përdorim urgjent vaksinën kineze Sinopharm, duke lehtësuar qasjen e vendeve të varfëra, dhe për t’i ndihmuar në përballimin e pandemisë së koronavirusit.
Miratimi i lejon vaksinës Sinopharm përfshirjen në Covax, iniciativa globale e OBSH-së që është projektuar për të nxitur shpërndarjen e vaksinës në mbarë botën, shkruan The New York Times.
Rregullatorët nga Kina dhe vendet e tjera kanë miratuar vaksinën Sinopharm në muajt e fundit, megjithëse kompania nuk ka lëshuar të dhëna të provës klinike të Fazës 3 që shkencëtarët të vlerësojnë në mënyrë të pavarur.
OBSH-së iu dha mundësia e përdorimit të këtyre të dhënave para njoftimit, por ka të dhëna të kufizuara se sa mirë do të funksionojë vaksina kundër shumë varianteve të koronavirusit që shfaqen në të gjithë botën.
Teksa Kina ka pretenduar se mund të bëjë deri në 5 miliardë doza deri në fund të këtij viti, zyrtarët kinezë thonë se vendi po lufton për të prodhuar doza të mjaftueshme për popullsinë e tij dhe po paralajmërojnë për një botë të lodhur nga pandemia.
