Gazeta gjermane ‘Bild’ publikoi ditën e djeshme të tjera video-përgjime, që implikojnë funksionarë të Partisë Socialiste, në blerjen e votave në zgjedhjet e 2017.
Në një nga përgjimet e dala, përfshihet edhe deputeti socialist Xhemal Qefalia, ku u kap teksa siguronte shefin e policisë Dibër për rritje në detyrë.
Qefalia ka reaguar përmes një statusi në “Facebook”, në të cilin shkruan se ka qenë duke komunikuar me një shok fëmijëri, që është ushtarak dhe oficer karriere dhe jo kriminel.
Reagimi i plotë:
Xhevahire nga Dibra !
Se lloqe Kavaje nuk shkon!
Të përgjosh dhe ta quash krim elektoral pse flet në telefon me një shok fëmijërie dhe shkolle madje ky shoku nuk është as kriminel as person pa integritet, por është ushtarak, oficer kariere!!!
Mirë që ligjet dhe institucionet nuk i njohin por këto kanë filluar të mohojnë dhe marëdhëniet miqësore dhe shoqërore! Qofshin këto që janë!
Përgjimi numër 3:
Xhemal Qefalia: Bert
Shefi i policisë Dibër: hë mo shoku im
Xhemal Qefalia: le të rujn mo burrë, të plasi b*tha, flamuri është i detyruar me bo politikë, po do i themi ne nesër që nuk ka punë ta përmendi më atë muhabet.
Shefi i policisë Dibër: ai le të vijë të kontrollojë ku t’i dojë qejfi.
Xhemal Qefalia: po ku ka ai, çka ka, ata mundohen me u justifiku e mer vesh ti ça bëhet mrena PD , ata po zihen me njëri-tjetrin. Mos u mërzit për ata o burrë
Xhemal Qefalia: jo i pata thënë unë, më sillni kartonin, si Mesi që mbanë Barcelonën, fitoni
Xhemal Qefalia: Ja fusin kot ata o vëlla se të kishin vu ty atje e fitonin ata
Shefi i policisë Dibër: unë jam pjesë e PS dhe nuk ndërroj për 1 milion vjet
Xhemal Qefalia: nuk e vë në dyshim o vëlla, unë prandaj i thash mbrëmë, se ishte i gjithë Grupi Parlamentar
Shefi i policisë Dibër: Leje, leje, shyqyr që nuk thash ndonjë fjalë tjetër, unë e dija që është Gjiknuri
Xhemal Qefalia: pse nuk e dije ti që ishim aty?
Shefi i policisë Dibër: Jo mo jo thash se ishte…
Xhemal Qefalia: ishte Gramozi aty, ishte Rama, ishin të gjithë edhe ra muhabeti jot, foli mirë për ty edhe Damiani në fakt edhe Blerina, edhe i thashë: ai duhet të kalojë, i keni q* nonën e keni kalu andej, ai bo puën edhe këndej, i thash edhe atij, ai mund të bëjë shumë edhe këtu. I thash edhe Ulsit se mos kishte kundërshtim, i thashë mua më bën punë edhe në Tironë ai, por puna është që edhe atje ku është i jep drejtim
Shefi i policisë Dibër: ishalla po më çojnë nga Bulqiza
Xhemal Qefalia: e pra e të pushosh edhe ti
Shefi i policisë Dibër: kam nevojë të pushoj pak sinqerisht
Xhemal Qefalia: ikën ata?
Shefi i policisë Dibër; po po i përcolla
Xhemal Qefalia: për drekë qenë?
Shefi i policisë Dibër: jo mo nuk e di ça bënë hëngrën
Qefalia: Drekë drekë
Shefi i policisë Dibër: mir o shef mirë
Xhemal Qefalia: hajde o vëlla mos e ça trapin, do bëhet më e mira, mos u mërzit për atë. Ai ta tha ty mbrëmë, mos ashtu gjë me ata.
Shefi i policisë Dibër: jo ai ma tha në ligjëratë të drejtë mua
Xhemal Qefalia: prandaj po them
Shefi i policisë Dibër: mirë vëlla, hajde të përshëndes