Rita dhe Roza Lati kanë treguar mbrëmjen e djeshme në “Shiko kush luan”, se raporti nënë e bijë mund të jetë edhe raport miqësor. Ato janë argëtuar pa masë në emision, e po kështu kanë krijuar një atmosferë gazmore, duke ngacmuar njëra-tjetrën.
Në “Ndaje ose haje”, Ritës iu desh të tregonte për vendimin e Rozës, me të cilin ajo nuk ishte pajtuar asnjëherë. “Unë nuk jam dakord me asgjë që bën Roza”, tha Rita. “U lidh me një, që unë nuk e duroja dot. Doja o ta ndaja nga ai, o vdisja”, u shpreh Rita, duke shtuar se kjo ka ndodhur shumë vite më parë.
Edhe Roza e konfirmoi, por duke u treguar më e kujdesshme me ‘sekretet’ që e ëma nuk di t’i mbajë për vete. “Maaa…”, i tërhiqte ajo vëmendjen herë pas here, kur Rita niste të rrëfente.
