Të tjera detaje janë bërë të ditura nga tragjedisë ku gjetën vdekjen dy të rinjtë shqiptarë në Itali. Mediat italiane shkruajnë, se para se të shembej ura ata kishin telefonuar tek kompani ku punonin për të thënë se ishin me vonesë dhe ishin duke shpejtuar për të arritur vendin e punës. Admir Bokrina 28 vjeç, i njohur edhe si Edi e Marius Djerri, 22 vjeç, të dy shqiptarë me banim në Itali, janë mes viktimave të shembjes së urës “Morandi”.
Të afërm e miq të tyre ishin mbledhur para morgut të spitalit “San Martino”, raportojnë mediat italiane.
“Punojnë për një kompani pastrimi dhe ishin drejtuar për në Rapallo. Pak minuta para tragjedisë kanë telefonuar për të lajmëruar për vonesën. Një vonesë për shkak të trafikut që rezultoi fatale”, tha një i afërm i një prej viktimave.
Mariusi ka jetuar në Itali që nga mosha 3-vjeçare. Ai ishte i apasionuar i futbollit, tifoz i Milanit dhe luajte si sulmues te Cornigean Fields. “Kalonte nga ajo urë çdo ditë dhe tashmë dikush duhet të përgjigjet për këtë tragjedia”, shton i afërmi i Mariusit.
Ndërsa koleget e dy shqiptarëve janë shprehur shumë të pikëluar pas tragjedisë. “Nuk kaloj më në atë urë edhe po ta rindërtojë”, kështu mësohet të ketë një prej kolegëve të dy shqiptarëve të humbën jetë në Itali, nga shembja e urës Morandi.
Kolegët e shqiptarëve të ndjerë kanë zhvilluar një takim me Kryeministrin Giuseppe Conte, së bashku me të afërmit e tjerë të viktimave. Një takim që zgjati rreth 20 minuta për rreth të dëshmuar mbështetjen e shtetit italian për familjet e prekura nga tragjedia, raporton “tg24”.
“Ishte shumë i sjellshëm Kryeministri gjatë takimit, por institucionet na kanë thënë gjithmonë se ajo urë mund të zgjaste 100 vite”, thanë miqtë e djemve.
“Kemi kaluar edhe dy herë në ditë”, shtoi një koleg i shqiptarëve, “të gjithë kalonim aty. Nëse e rindërtojnë kush mund të kalojë më? Unë kurrë më!”/Tirana Today/
