Komuna e Gjilanit po ua ofron për të katërtën herë radhazi mundësinë nxënësve të Luginës së Preshevës që të vijojnë shkollën e mesme në këtë komunë.
Këtyre nxënësve u është lehtësuar çështja e dokumentacionit, por edhe me lehtësirat e përfituara vihet re se ka shumë pak nxënës të interesuar për të ndjekur mësimet. Kjo për shkak se Serbia nuk i njeh certifikatat shkollore të Kosovës.
Kryetari i Lëvizjes “Vatra”, Kushtrim Kadriu, thotë se nxënësit e Luginës së Preshevës, ndonëse e kanë shumë me qejf të shkollohen në Kosovë ngurojnë për shkak se Serbia nuk ua pranon atyre certifikatat ose diplomat e Kosovës.
Viteve të kaluara, sipas të dhënave zyrtare të komunës, nuk kishte më shumë se 4 nxënës nga Presheva, Bujanoci dhe Medvegja.
