Duket se thumbat mes Patrisit dhe Robertit nuk kanë të ndalur. Në “Xing me Ermalin”, Patris Berisha foli për herë të parë në lidhje me deklaratën e të vëllait, Robert Berisha, për Tunën.
“Vëllau është si shkjau (serbi)”, tha ndër të tjera Patrisi. Por kjo deklaratë ka patur edhe një kundërpërgjigje.
Në emisionin “Rreze dielli”, Robert Berisha e cilësoi reagimin e të vëllait si një shaka. “Janë disa thënie të këtij lloji në Kosovë, dhe e kam menduar si shaka, duke qenë se e njoh Patrisin shumë mirë. Eshtë çun shumë i mirë dhe pozitiv. Patrisi e tha atë që duhet me thënë. Mua mu dukën shumë mirë aty, dhe shpresoj që t’i shoh gjithë jetës mirë. Secili ka familjen e vetë”, u shpreh Roberti.
Pas këtyre qëndrimeve të bëra publike, ai ka kërkuar që kjo çështje të lihet me kaq.
“Jo, unë e di të vërtetën. E di sa jemi të lidhur ne familjarisht brenda shtëpisë së Berishajve. Nuk është puna që e kemi përjashtuar Tunën, por siç tha dhe Patrisi, brenda Berishajve të gjithë e dinë.
Janë disa komente në Youtube, ka dokumente. Nuk kënaqem prej komenteve, sepse mua më duken shumë të mirë. Por ka ca komente të njerëzve që më njohin mua më herët dhe e dinë çfarë kam bërë për familjen, për vëllain. Që duhet ta bëjë secili për familjen e vetë. E vërteta gjithmonë del.
Unë besoj që i kemi dhënë fund me të gjitha këto. Ndoshta edhe unë kam bërë gabim. Por unë i uroj shumë sukses, shëndet çunit të tyre dhe besoj që me këto i mbyllim të gjitha këto muhabete”, përfundoi Roberti.
