Një dhëndër la nusen e ardhshme në ditën e tyre të dasmës, pasi nëna e tij tha se nusja ishte shumë e shkurtër dhe jo tërheqëse.
Dhëndri – emri i të cilit nuk është përmendur në mediat lokale – thuhet se u urdhërua të linte nusen e tij tuniziane pasi nëna e tij e pa atë në altar për herë të parë. Mësohet se deri në ceremoni, nëna e dhëndrit kishte parë vetëm fotografi të nuses së tij të ardhshme.
Por kur e pa atë ballë për ballë, thuhet se e urdhëroi djalin e saj të ndalonte dasmën sepse nusja e tij ishte shumë “e shkurtër” dhe “e shëmtuar”.
Fotot tregojnë nusen Lamia Al-Labawi duke buzëqeshur, ndërsa mban veshur fustanin e saj të nusërisë, ndërsa i fejuari i saj pastron ballin.
Më pas, Lamia e refuzuar ka shkruar në rrjetet sociale. Lamia ka shkruar në blogun e saj se është “jetime” dhe përgatitjet për dasmën i kishin kushtuar shumë para.
Ajo tha se ishte tronditur nga refuzimi dhe e ka të vështirë të shohë sytë e njerëzve dhe të dëgjojë pëshpëritjet e tyre.
Pas sprovës së saj, përdoruesit e mediave sociale i ofruan mbështetje, dhe kritikuan të fejuarin se nuk ishte një “burrë i vërtetë”.
Burimi i lajmit: Mirror. Përshtatur nga Tirana Today
