Epidemiologu suedez, Anders Tegnell, i cili vendosi për që vendi të mos i nënshtrohej izolimit ka pranuar se duhej të kishte vendosur më shumë kufizime, për të kontrolluar përhapjen e koronavirusit.
Epidemiologu jo vetëm që kundërshtonte futjen e Suedisë nën izolim, por kritikonte edhe vendet e tjera që kishin vendosur masat kufizuese.
Por, të mërkurën, kur një gazetar i Sveriges Radio tha se shumë njerëz kishin vdekur si pasojë e koronavirusit në këtë vend, Tegnell u pajtua.
“Nëse do të hasnim përsëri të njëjtën situatë, mendoj se do të vendosnim masa në mes të asaj që bëri Suedia dhe asaj që bëri pjesa tjetër e botës”, tha ai.
Sipas BBC, Suedia ka nivelin më të lartë të vdekjes në raport me numrin e popullsisë nga koronavirusi në botë.
Deri më tani, vendi ka shënuar 4,468 viktima, ndërsa vendet fqinje si Norvegjia dhe Danimarka kanë regjistruar më pak se 600 viktima.
