Kryeministri Edi Rama është përgjigjur se pse nuk kishte një përfaqësi të opozitës në tryezën e përbashkët për çeljen e negociatave. Ai tha se formati është përcaktuar nga Komisioni për gjithë trupën që do të përfaqësonte Shqipërinë në tryezë, e ndërsa ironizoi se kush është në anën e opozitës. Rama gjatë fjalës së tij nuk e përmendi në asnjë moment opozitën. Pakica nuk ishte pjesë e fjalimit të kreut të qeverisë, por as edhe pjesë e delegacionit zyrtar që e shoqëroi në Bruksel.
“Formati është përcaktuar nga Komisioni për gjithë trupën që do të përfaqësonte Shqipërinë në tryezë. Mund të kishim kërkuar një ndryshim për të ftuar një përfaqësues, apo më shumë se një nga ana e opozitës. Kemi një problem se ne nuk dimë se kush është kush, në anën e opozitës”, u shpreh Rama.
