Kosova ka ngecur në një barazim në transfertë përballë Ishujve Faraoe në ndeshjen e Naciona League. “Dardanët” ishin shumë pranë historisë, por kundërshtari u tregua mjaft i fortë dhe arriti të barazonte, duke pasur parasysh që ndeshja luhej në një terren të vështirë. Gjithsesi, Kosova ruan vendin e parë të grupit 3 të League D.
Ndeshja nisi mjaft mirë për Kosovën, pasi Milot Rashica që në minutën e 9’ shënon një gol spektakolar duke u dhënë avantazhin. Sulmuesi kosovar ka lëshuar një predhë të vërtetë nga rreth 30 metra duke befasuar portierin kundërshtar. Padyshim që një nga golat më të bukur të mbrëmjes. Kosova nuk e ul ritmin, por edhe Ishujt Faroe rrezikojnë në disa momente portën vizitorëve.
Kosova merr kontrollin e ndeshjes deri në fundin e pjesës së parë, por në të dytën nuk e nis aspak mirë. Javë vendasit që gjejnë golin e barazimit pas një gabimi të qendërmbrojtësit Amir Rrahmani. Ishte Joensen që përfitoi nga ai kundërsulm që kapi të papërgatitur mbrojtjen.
Pavarësisht dëshirës për të fituar, “Dardanët” nuk ia dalin të gjejnë më rrugën e rrjetës dhe kështu ndeshja mbyllet në barazim 1-1. Kosova vazhdon të mbajë vendin e parë, pasi edhe ndeshja tjetër e grupit mes Maltës dhe Azerbajxhanit ka përfunduar me një barazim 1-1.
Ndërkohë në ndeshjen e grupit 2 të League B, Rusia ka mposhtur pa shumë probleme Turqinë duke u ngjitur në vend të parë të renditjes. Rusët gjetën golin e merituar në minutën e 20’ falë Neustadter. Ndërsa pas pushimit ishte Cheryshev ai që vulosi fitoren me golin e tij në minutën e 78’. Një Turqi e dobët në Stadiumin Olimpik të Sochi-t.
