Gazetarja shqiptare, Erjona Rusi ka bërë një deklaratë të fortë teksa ishte e ftuar në emisionin “Top Show” në Top Channel.
Teksa po flisnin për të bukurën, Rusi ka treguar se nuk i përket asaj kategorie të femrave që janë tmerrësisht xheloze. E pyetur nga Osmani, se çfarë mendon ajo nëse i shoqi hutohet pas një modeleje, Rusi përgjigjet:
“Të hutohet dhe të kënaqet me sy, madje edhe më shumë po të dojë. Më shumë në sensin të rrijë me të, të bisedojë, nuk thashë të shkojë në krevat me të. T’i ndajmë gjërat.
E bukura është e bukur. Tani, mos të bëjmë të fortën. Nqs ajo është aq e zonja sa të ma marrë burrin për në krevat, hallall ta boftë Zoti. Unë kam besim shumë te vetja ime, por e them edhe këtë tani, nëse do ndodhte dhe unë do e zbulojë, nuk do bëhej qameti, këtë ta garantoj. Unë mendoj se nuk lihet burri apo gruaja për një tradhti”, përfundon gazetarja.
