Kryeministri Edi Rama ka reaguar për herë të parë në lidhje me raportin e Komisionit të Venecias, i cili vuri në dukje se presidenti Meta ka tejkaluar kompetencat kushtetuese me anulimin e 30 qershorit.
I ftuar në emisionin “Repolitix” në Report Tv, Rama tha se nuk ka asnjë qëndrim sa i përket kësaj çështjeje, teksa shtoi se i takon komisionit të posaçëm për të gjykuar.
“Nuk kam asnjë qëndrim për këtë, unë e kam shprehur opinion tim, por është krijuar një komision i posaçëm që ka në përbërje të tij njerëz të ligjit dhe ata do të na bëjnë ne sugjerimin e tyre si parlament dhe ne do të marrim vendimin tonë. Unë nuk kam asnjë minutë për tu marrë me fatin Ilir Metës, pasi mbrëmë psh jam marrë me fatin e një djali që i mungonte një krevat special për sëmundjen e tij dhe nuk kishin trokitur në derën e autoritete. Jam i lumtur që djalin e kemi sjellë në Tiranë. Kjo është shumë më e rëndësishme se fati i Ilir Metës. Politika është e bukur sepse ju shërben njerëzve dhe behet e shëmtuar kur kthehet në një territor të okupuar nga njerëz që përplasen duke ja nxjerrë politiken nga hundët njerëzve. Unë, mbase me vonesë, por kam vendosur ta braktis këtë”, u shpreh kreu i qeverisë.
