Kryetari i PD-së, Lulzim Basha duket se nuk do të ketë pushime në këtë fundvit. Mësohet se ai do të kryejë një tur takimesh në disa bashki të vendit, ku do të flasë me banorët për krizën ekonomike, politike dhe kushtetuese.
Këto takime vijnë pak para protestave të paralajmëruara nga opozita, të cilat do të nisin në janar të 2018-ës, sipas Bashës për të kundërshtuar keqqeverisjen, shkeljen e Kushtetutës dhe për të larguar trafikantët nga qeverisja.
Ndërkohë, nuk dihet nëse opozita do të bojkotojë parlamentin në janar, ashtu siç sugjeroi Berisha, i cili ishte pro djegies së mandateve. Por, kjo është içka ende e pavendosur nga Basha, ndërsa aleatja në opozitë e tij, Monika Kryemadhi deklaroi se deputetët e LSI-së nuk do i digjnin mandatet, pasi sipas saj, këto janë mandate gjaku dhe se nuk ka ndërmend t’ia lehtësojë punën Ramës.
