Liverpool nuk arrin të mbrojë rezultatin dhe të ruaj ecurinë e fitoreve përballë Chelsea. Ndeshja u mbyll me rezultatin 1-1, duke bërë që të mos ndryshojë asgjë në renditje. Ndeshja fillon me ritme të qeta dhe të dy trajnerët kishin mbajtur në stol lojtarë të rëndësishëm. Chelsea vinte nga katër fitore radhazi dhe Conte besonte se një fitore do të mbante në hapin e Manchester City, nga ana tjetër Klopp pas tre fitoreve rresht merr vendin e gjashtë dhe kërkon që të mos u ndahet kryesuesve.
Pjesa e parë fillon e qetë por në vazhdim dominohet nga Chelsea që është më shumë kërkues me Hazard dhe Moratën,por që nuk arrijnë të gjejnë hapësira në prapavijën e “The Reds”. Pjesa e dytë ndërron fytyrë, është Liverpool që dominon dhe është më kërkues ndaj golit. Treshja Salah-Sturrige-Coutinho provojnë në mënyra nga më të ndryshmet për të mposhtur Courtois dhe në minutën e 65 është pikërisht egjiptian Salah, një ish-lojtarë i Chelsea që arrin të shënojë.
Pas golit është Chelsea që merr në dorë frenat e lojës dhe fillon të bëjë presing, Conte hedh nëfushë Fabregas, Pedro dhe Willian në fund për të mos dalë i humbur nga kjo sfidë. Është pikërisht braziliani Willian që sjell qetësinë për teknikun italian dhe golin e barazimit. Dy minuta pasi inkuadrohet në fushën e lojës braziliani shënon një gol mjaft të bukur me në parabël, të realizuar nga një kënd mjaft i vështirë. Ky gol spektakolar vulos edhe rezultatin përfundimtarë të takimit.
