Jose Mourinho ka folur pas shkarkimit nga Manchester Unitedi, portugezi thotë se nuk dëshiron të kritikojë askënd pasi kjo nuk është mënyra se si ai i bën gjërat. 55-vjeçari tani që nuk është pjesë e ndonjë klubi të futbollit dëshiron të jetojë sa më shumë jetën dhe këtë pret ta respektojnë edhe të tjerët, posaçërisht mediat.
“Manchester United ka një të ardhme pa mua dhe unë kam një të ardhme pa Unitedin. Pse duhet t’i ndaj me ju apo me tifozët ndjenjat e mia? Ka përfunduar tani.
Kështu kam qenë gjithmonë, jam kritikues i trajnerëve që pas largimit flasin për atë se çfarë ka ndodhur dhe kush është për t’u fajësuar, ai nuk jam unë.
Dua ta përfundoj sikur kishte ndodhur dje, më pëlqen të them se ka përfunduar çdo gjë. Shpresoj që ju mediat të respektoni mënyrë time të reagimit në situata të tilla, deri sa t’i kthehem futbollit kam të drejtën të jetoj jetën time.
Bëj shoping, dal për të ecur, këto gjëra dua t’i bëj. Manchester Unitedi është e kaluara”, ka thënë Mourinho gjatë një shëtitje në rrugët e Londrës.
Menjëherë pas shkarkimit emri i ‘Special One’ është lidhur me drejtimin e Interit dhe Real Madridit.
