Richard Mason, themeluesi i faqes së internetit MoneySuperMarket për krahasimin e çmimeve, ra preh e një mashtrimi mizor nga bashkëshortja e tij. Ai ishte gënjyer prej gati 20 vitesh se tre djemtë që kishin, ishin të tijtë, deri në momentin që mjekët i thanë se ai nuk mund të bënte fëmijë dhe e kishte problem të lindur.
Richard e bëri zbulimin dy vite më parë dhe hodhi në gjyq ish-gruan e tij, Kate, e cila e pranoi rastin por refuzoi të tregonte se kush ishte babai biologjik i fëmijëve. Duke pranuar akuzën e mashtrimit të atësisë, ajo tashmë do ti duhet ti paguaj 250.000 dollarë ish-bashkëshortit. Një vendim i tillë nuk ishte marrë kurrë më parë nga gjykata, por Kate refuzonte të tregonte babain biologjik dhe ishte e vetmja zgjidhje.
Së fundmi ka reaguar edhe një nga tre djemtë e mashtruar, të cilët besonin se ishin fëmijët e një biznesmen multi-milioner për rreth dy dekada.
Duke folur për herë të parë në një intervistë, Joel, 19 vjeç, i tha MailOnline: “Unë nuk kam rënë dakord me mamin për këtë. Ne jemi të gjithë në rregull. Ajo kishte një martesë të pakënaqur dhe ajo donte fëmijët. Dhe këtu jemi. Unë kurrë nuk e kam ditur deri para disa vitesh që Richard nuk ishte babai im i vërtetë.”
Joel pranoi se kishte një marrëdhënie të vështirë me Z.Mason tani, me të cilin ai nuk kishte folur për tre vitesh, por thotë se gjithmonë do ta konsiderojë biznesmenin baba të tij të vërtetë.
“Unë nuk e di nëse do ta quaja të huaj,” tha Joel. “Unë nuk e di se cilën fjalë do të përdorja. Por unë nuk i kam folur atij për disa vite për shkak të sjelljes së tij. Ai është një njeri shumë manipulues, jo personi me të cilin dëshiron të jesh. Kam filluar ta vërej këtë kur isha 15 vjeç.
Por ai është akoma baba im dhe nuk do të kërkoj të vërtetën time. Unë dyshoj që ai (babai i tij biologjik) e di që ne ekzistojmë. Por dëshiroj që Richard të jetë në jetën tonë dhe të kontaktojmë.”
Mason nuk dyshoi kurrë se ai ishte baba biologjik i djemve deri dy vjet më parë kur ai u diagnostikua me fibrozë cistike – një sëmundje e trashëguar e cila nuk i lejon meshkujt të lënë trashëgimtarë. Përshtati TIRANA TODAY
LEXO EDHE :
Gënjeu burrin për 20 vite se i kishte fëmijët me të, doktori i nxjerr mashtrimin
