Në futbollin argjentinas ndodh çudia e radhës, futbollisti i vendos pistoletën në kokë trajnerit pasi nuk e aktivizoi. Autori i këtij gjesti është 27-vjeçari Sezar Pagani, mesfushor i Eskuela Presidente Roka, ekip i kategorisë së tretë argjentinase.
Ky veprim është pasuar me dorëheqjen e menjëhershme të trajnerit, Kristian Neira, që ndihej i kërcënuar, pasi futbollisti banonte vetëm pak metra larg qendrës stërvitore të skuadrës. “Është diçka e pazakontë, që nuk e kam hasur në 45 vite. Nuk është një rast për t’u neglizhuar, pasi mund të sjellë pasoja”, tha presidenti i klubit argjentinas.
Duke u rikthyer te historia e pabesueshme, gjithçka u zhvillua disa ditë më parë, kur, në përfundim të seancës stërvitore, Pagani me armën në brez i është afruar trajnerit dhe më pas ka nxjerrë pistoletën duke kërkuar me këmbëngulje një vend në formacion në ndeshjen e radhës. Tragjedia është shmangur falë ndërhyrjes së disa shokëve të ekipit.
