Kreu i Partisë Demokratike, Lulzim Basha në një takim më anëtarët e rinj të PD-së në Farkë thekson se Rama është njeriu më i korruptuar në vend, ndërsa shprehet se kryeministri kërcënon të na kthejë 10 vite pas.
Sipas tij, rruga e vetme për të zgjidhur krizën në vend është vetëm PD, teksa shton se me Ramën në pushtet nuk do të hapen negociata e Shqipërisë drejt Bashkimit Evropian.
“Me Edi Ramën nuk ka integrim në Evropë. Nuk mund të ketë hapje negociatash. Me këto standarde nuk mund të ishte as në Këshillin e Evropës. Këto janë standarde afrikane. Samiti i Berlinit është i qartë për të gjithë autokratët e Ballkanit, por edhe për njeriun më të korruptuar, Edi Rama, i cili sot synon të na kthejë 10 vite mbrapa duke na kthyer vizat.
Fatkeqësisht edhe në këtë qershor, Shqipërisë nuk do t’i hapen negociatat sepse edhe në fushën e ekonomisë, edhe në fushën e shtetit të së drejtës, ka hapa mbrapa”, deklaroi Basha.
Ndër të tjera, lideri demokrat thotë se qeveria godet njerin e thjeshtë nga mëngjesi deri në darkë, prandaj, sipas tij Rama duhet të largohet.
