Një gazetar turk, i cili është kritik ndaj qeverisë së Presidentit Rexhep Tajip Erdogan dhe jeton në Gjermani, u plagos pasi u sulmua jashtë shtëpisë së tij nga tre burra të cilët thuhet se e paralajmëruan atë të ndalonte së shkruari.
Erk Acarer, i cili punpn për gazetën e pavarur Turke Birgun, tha në një video të postuar në Twitter se sulmi ndodhi të mërkurën vonë në oborrin e shtëpisë së tij nëBerlin. Ai pësoi një ënjtje në kokë dhe u mbajt në një spital për disa orë, shkruan The Globe and Mail.
Acarer tha se një nga sulmuesit e tij e paralajmëroi atë në Turqisht duke i thënë: “Ju nuk do të shkruani.” Më parë, gazetari postoi një fotografi të tij, duke thënë se ai u sulmua “me grushta dhe thika”.
“Unë i njoh sulmuesit. Unë kurrë nuk do t’i dorëzohem fashizmit,” shkroi Acarer.
Acarer ishte midis një grupi gazetarësh të cilët u ndoqën penalisht për raportimin mbi funeralin e një oficeri të inteligjencës turke, i cili u vra në Libi dhe u varros në heshtje. Pesë nga gazetarët u dënuan për shkelje të ligjeve të inteligjencës së Turqisë dhe për zbulimin e informacionit sekret. Çështja kundër Acarer po vazhdon.
Kamuoyuna ve gazeteci dostlara açıklamamdır: Bilin ki hesabınını sormaya devam edeceğiz, bilin ki hesabı kapayan da biz olacağız! pic.twitter.com/aG2QKkllsw
— Erk Acarer (@eacarer) July 8, 2021
