Dy humbje dhe shtatë gola të pësuar në një javë kanë lënë një shije të hidhur tek tifozët e kombëtares shqiptare. Pas humbjes me Ukrainën grupimi i tifozëve “Illyrian Elitë” ka reaguar ashpër në drejtim të lojtarëve dhe të Armand Dukës, duke e cilësuar edhe Federatën si mafie.
Mes të tjerash, në reagimin e këtij grupimi, që kohë më parë FSHF-ja vendosi ta përjashtonte nga shkallët e stadiumit, pasi hodhi në fushë flakadanë gjatë ndeshjes me Italinë, theksohet se Kombëtarja nuk është për të bërë para Federata, ndërsa lojtarët akuzohen për respektin e munguar ndaj tifozëve.
Ja dhe reagimi i plotë i “Illyerian Elite”:
Siç edhe e keni vene re, ne ndeshjen e fundit pati nje organizim totalisht amator dhe aspak te denje per nje institucion qe supozohet qe perfaqson futbollin shqiptar. Ku u luajt fillimisht me datat qe ishin teper te vonuara, dhe vendin/stadiumin ku do luhej ndeshja, por edhe me biletat ne te dyja ndeshjet.
Nuk eshte normale qe ne nje ndeshje miqsore te paguash 40 franga bileten. Futbolli eshte i tifozeve, per tifozet, dhe jo qe te bej para Federata. Nje tjeter aspekt, jo pak i rendesishem ishte mosrespekti i lojtareve te Kombtares ndaj tifozeve. Kur tifozet, jo vetem qe bejn mijra kilometra, edhe harxhime te medha, lojtaret tane tregojn mosrespektim duke mos pershendetur publikun e gjere qe ishin te pranishem.
Kulmi ishte ne Zyrih te Zviceres, ku 18700 shqiptar vijn ne nje ndeshje jashte Republikes se Shqiperise dhe ata nuk kane respekt aspak, por ikin ne dhomat e zhveshjes duke menduar se jane super yje. Kete te fundit, as super yjet nuk kane guxuar ta bejn. Nese vazhdojn me keto sjellje, patjeter qe do te kete reagim me te ashper dhe terheqje “veshi” nga ana jone!!
Ne Kombtare kemi nevoj per lojtar qe sillen me respekt, te disiplinuar, dhe me profesionalizem. Jo, aktiv ne Instagram apo Facebook, por ne fushen e gjelbert. Ne, si Illyrian Elite nuk mund te heshtim kurrsesi ndaj ketij mos serioziteti dhe joprofesionalizmi, si nga F$HF, por edhe nga lojtaret. Ne vazhdojm te mendojm qe heshtja eshte nenshtrim, dhe ulja ne tavolin me krere te këtij institucioni duke u nenshtruar urdherave te tyre eshte bashkpunim me te keqen, dhe ne dem te Kombtares.
Futbolli eshte i tifozeve, Kombtarja na perket ne!!
