Conor McGregor i ka ardhur sërish një ftesë për tu rikthyer në ring, por këtë herë përballë legjendës së ringut, filipinasit Manny Pacquiao. Pas përballjes multi-milionëshe ndaj Floyd Mayëeather, duket se Notorious do të kthehet sërish në ring për të provuar veten.
Pacquiao ka zbuluar se ndeshja nuk është më një fantazi e mediave, pasi filipinasi ka postuar një foto të McGregor në rrjetin social Instagram duke i bashkëngjitur komentin: “Gëzuar Ditën e Falënderimeve! Qëndroni në formë miqtë e mi. #realboxingmatch #2018 @thenotoriousmma.”
The Notorious pritet të rikthehet në UFC, por prapëseprapë, asgjë nuk është zyrtare, ndërsa Pac-Man, i cili është i përfshirë edhe në politikën filipinase, nuk është tërhequr zyrtarisht, dhe tani kërkon sfidën ndaj super yllit McGregor. Hera e fundit që Pacquiao zbriti në ring ishte në korrik, ku u mund nga australiani Jeff Horn dhe të gjithë besuan se ajo do të ishte hera e fundit që ai zbriste në ring.
