Bardhezinjtë e drejtuar nga Allegri kanë marrë dhe fitoren e dytë në kampionat përballë Lazios. Me këtë fitore Juventusi merr kryesimin e Serie A i vetëm, deri sa të zhvillohen edhe ndeshjet e tjera. Golat në këtë ndeshje për “Zonjën e Vjetër” u shënuan nga Miralem Pjanic (30′) dhe Mario Mandzukic (75′).
Lojtari më i mirë i ndeshjes është shpallur çuditërisht Cristiano Ronaldo me notën 8.1, edhe pse ai nuk arriti të shënonte në portën e Strakoshës. Ndërsa më i dobëti është vlerësuar sulmuesi lacial, Ciro Immobile me notën 5.8, pasi nuk u pa asnjëherë në zonën e bardhezinjve.
Portieri i kombëtares shqiptare, Thomas Strakosha bëri paraqitje të mirë në këtë ndeshje duke u vlerësuar me notë 7.3. ai ka bërë disa pritje fantastike, duke mos lënë Ronaldon që të festojë golin e parë në Serie A, po ashtu një pritje fantastike ishte edhe ajo ndaj Bernardeschit.
