Në kuadër të muajit të Teatrit, Ministrja e Kulturës, Elva Margariti ka sjellë në kujtesë aktorin e madh Kadri Roshi.
“Mirënjohje për aktorin e madh Kadri Roshi, pa të cilin skena dhe ekrani shqiptar nuk do të ishin të njëjtët”.
Ai është konsideruar si legjenda e skenës dhe ekranit shqiptar. Një aktor brilant dhe me një talent të lindur, ku është nderuar me një sërë çmimesh. Në vitin 1995 është nderuar me Çmimin e Karrierës në Festivalin e Filmit Artistik, në vitin 1997 me Çmimin e Madh të Nderit.
Ai është “Nderi i Kombit” nga viti 1999. Kadri Roshi është një kolos për filmin dhe teatrin shqiptar, ku la figura të spikatura që nuk do të harrohen kurrë.
Kadri Roshi ka interpretuar mbi 170 role, nga këto 30 në kinematografi. Kadri Roshi mbetet aktor i kontrasteve.
