Jorge Valdano për Raul Gonzalez Blanco:
“Një ditë para debutimit të tij, unë i bëra një pyetje për ta provuar, kështu i thashë: ‘Po mendoj të të fus titullar, por kam frikë se nuk e mban dot aq shumë presion.
Ai më pa me një fytyrë të shtangur, por menjëherë e kuptoi atë që doja të dëgjoja: ‘nëse dëshiron të fitosh, më fut mua. Nëse do të humbësh, zgjidh ndonjë tjetër’, u përgjigj ai.
Disa lojtarë dinë të luajnë futboll që nga lindja, disa lojtarë janë burra para se të dalin nga adoleshenca, disa lojtarë janë të suksesshëm pa fituar ende asgjë, disa lojtarë vazhdojnë të mësojnë pasi kanë arritur të bëhen të suksesshëm.
Të gjitha këto tipare të rralla bashkohen tek Raúli, një tip i cili, ndër të tjera, duket absolutisht normal. Me pak fjalë le të themi se Raùl mund të përmblidhet në dy koncepte të thjeshta:
E para: ai di të bëjë gjithçka mirë.
E dyta: e bën më mirë çdo ditë”.
